انصار: (د سلواغی ۱۵ مه) ، روسیې په سوریه او عراق کې د امریکا د هوايي بریدونو په اړه د ملګرو ملتونو د امنیت شورا د بیړنۍ غونډې غوښتنه کړې ده.
په ملګرو ملتوو کې د روسیې د دایمي استازي لومړي مرستیال «دمیتري پولینسکي» پرون ویلي چې پر سوریې او عراق د امریکا د بریدونو له کبله سولې او خوندیتوب ته د ورپېښ ګواښ په اړه د ملګرو ملتونو د امنیت شورا دې بیړنۍ غونډه وکړي.
امریکا وړمه شپه په عراق او سوریه کې په لسګونو هغه سیمې بمبارد کړې چې د دوی په وینا، ایران پلوه وسله وال په کې مېشت وو.
دغه بریدونه د تېرې اوونۍ د هغه برید په ځواب کې وشول چې په اردن کې پر امریکایي ځواکونو شوي وو او درې امریکایي عسکر پکې وژل شوي وو.
URL تعقيب: https://www.ansarpress.com/pashto/29979
قرأ
